નવી દિલ્હી: દિલ્હીમાં બુધવાર રાતે ઈંડિયા ગેટ નજીક એક આઈસ્ક્રીમ વિક્રેતાની એક વ્યક્તિએ ચાકૂ મારીને હત્યા કરી નાખી. મૃતકની ઓળખાણ 25 વર્ષિય પ્રભાકર તરીકે થઈ છે. તે દિલ્હીના સંગમ વિહારમાં રહેતો હતો અને ઉત્તર પ્રદેશના ઈટાવાના મૂળ નિવાસી હતો. પોલીસના જણાવ્યા અનુસાર, બુધવાર રાતે 9.02 વાગ્યે કર્તવ્ય પથ પોલીસ સ્ટેશનમાં ઈંડિયા ગેટ પાસે ઝઘડાની સૂચના મળી હતી, જે બાદ પોલીસ ટીમ ઘટનાસ્થળે આવી પહોંચી હતી.
પોલીસ ટીમને ઘટનાસ્થળ પર પ્રભાર ઘાયલ જોવા મળ્યો. તેને તત્કાલ લેડી હોર્ડિંગ હોસ્પિટલ પહોંચાડવામાં આવ્યો. જ્યારે ડોક્ટર્સે તેને મૃત જાહેર કર્યો. નવી દિલ્હીના ડીસીપી દેવેશ કુમાર મહલાએ કહ્યું કે, તપાસ દરમ્યાન જાણવા મળ્યું કે, પ્રભાકર ઈંડિયા ગેટ પર આઈસ્ક્રીમ વેચતો હતો. લગભગ 20 વર્ષનો એક શખ્સ તેની આઈસ્ક્રીમની લારી પાસે આવ્યો તેને કેટલાય ચાકૂ મારી દીધા. ઘટનાસ્થળ પર પોલીસ ટીમને લોહી અને ચપ્પલ મળ્યા. પણ મૃતકનો મોબાઈલ ફોન ગાયબ હતો. મૃતકનો પરિવારના સભ્યો સાથે વિસ્તારથી પૂછપરછ કરી અને આ રેકોર્ડમાં આવ્યો કે, પ્રભાકર એક સગીર છોકરી સાથે સંબંધમાં હતો.
મામલામાં સમાધાન માટે પોલીસ ટીમે કથિત છોકરી અને તેના પરિવારના મોબાઈલ નંબરની દેખરેખ શરુ કરી અને એનસીઆરના વિવિધ સ્થાન પર સંયુક્ત દરોડા પાડ્યા. ડીસીપીએ કહ્યું કે, આરોપીના ભાગવાના રસ્તા શોધવા માટે ઘટનાસ્થળ પર લાગેલા સીસીટીવી કેમેરા પણ ચેક કર્યા. તપાસમાં એવી પુષ્ટિ કરી થઈ છે કે, સગીર છોકરી મૃતક અને ઉત્તર પ્રદેશના ગોંડાના રહેવાસી અજય ઉર્ફ આકાશ નામના વ્યક્તિ સાથે સંબંધ હતો.
ડીસીપીએ કહ્યું કે, પ્રભાકરથી છુટકારો મેળવવા માટે તેણે અજય સાથે ષડયંત્ર રચ્યું અને તેને પોતાના પ્રેમીને ખતમ કરવા માટે પ્રેરિત કર્યા. પોલીસે આખરે અજયને પકડી લીધો. તેના કબજામાંથી મોબાઈલ ફોન પણ જપ્ત કર્યો. અજય નોઈડાના ગ્રામ શાહપુરામાં મલિક ટેંટ હાઉસમાં મજબૂર અને ડ્રાઈવર તરીકે કામ કરતો હતો.
