ભારતીય રસોડામાં રોટલી પરાઠા અને ઢોસા બનાવવા માટે તવાનો સૌથી વધુ ઉપયોગ થાય છે. ઢોસા ક્યારેક ક્યારેક બનાવવામાં આવે છે પણ રોટલી-પરાઠા દરરોજ બનાવવા પડે છે. સમય જતાં તવોના કિનારા પર કાળી પરત જામીને તવો ખુબજ ગંદો થઈ જાય છે, તેની કિનારીઓ પર કાળાશ જમા થવા લાગે છે. જેને સામાન્ય સફાઈ દ્વારા દૂર કરવું મુશ્કેલ છે. અને જો તમે તેને સાફ કરવા બેસો છો, તો કલાકો બગડી જાય છે છતા પણ જોઈયે તેવો રોટલીનો તવો સાફ થતો નથી.
પરંતુ હવે ચિંતા કરવાની જરૂર નથી. રસોડાની ટિપ્સ શેર કરતી યુટ્યુબર શિખા શ્રીવાસ્તવે એક સરળ પદ્ધતિ શેર કરી છે. એવો દાવો કરવામાં આવે છે કે તવો ફક્ત 2 મિનિટમાં સાફ થઈ જશે. એક કે બે વાર પ્રક્રિયાને પુનરાવર્તિત કરવાથી તવો નવો દેખાવા લાગશે. આ માટે રસોડામાં હાજર કેટલીક વસ્તુઓની જરૂર પડશે અને હર એક ગ્રૃહિણીને આ સાફ કરવાની જંજટમાથી મળશે મોટી રાહત.
સૌ પ્રથમ તવાને ગરમ કરો
સૌ પ્રથમ, તમારે તમારા કાળા તવાને સાફ કરવા માટે ગેસ પર મૂકવો પડશે. અને તેને સારી રીતે ગરમ થવા દો. તવો એટલો ગરમ હોવો જોઈએ કે તેના પર પાણીના ટીપાં રેડતા જ વરાળ બનવા લાગે. હવે ગેસની જ્યોત સંપૂર્ણપણે ધીમી કરો અને એક ચમચી મીઠું ફેલાવો.
બીજા પગલામાં તમારે લીંબુને બે ભાગમાં કાપવાનું છે. હવે એક ભાગ લો અને તેને ગરમ તવા પરના મીઠા પર ઘસો. ધ્યાનમાં રાખો કે તમારે તવા પર જ્યાં વધુ ગંદુ હોય ત્યાં લીંબુ વધુ ઘસવું જોઈએ. જેમ કે, ધાર પર જમા થયેલી કાળાશ પર મીઠું લગાવતી વખતે લીંબુ ફેરવતા રહો.
યુટ્યુબર શિખા શ્રીવાસ્તવ કહે છે કે જો તમારી પાસે લીંબુ ન હોય તો તમે સરકો વાપરી શકો છો. જો કે, લીંબુ અને સરકો બંનેનો એકસાથે ઉપયોગ કરવાથી સારા પરિણામો મળે છે. બંનેમાં કુદરતી એસિડ હોય છે. અને લીંબુને પકડીને ગરમ તવા પર ઘસવું સરળ બને છે. તેથી શિખાની જેમ તમે લીંબુથી ઘસતી વખતે થોડું સરકો ઉમેરી શકો છો.
આ યુક્તિની મદદથી તવા 2 મિનિટમાં સાફ થઈ જશે અંતે તમે તેને સામાન્ય ડિટર્જન્ટથી સાફ કરી શકો છો જેથી જો થોડી ગ્રીસ હોય તો તે પણ દૂર થઈ જાય. જો કે, જો તમે તવાને એકદમ નવું બનાવવા માંગતા હો તો આ પ્રક્રિયા એક થી બે વાર પુનરાવર્તિત કરવી પડશે. જેથી વર્ષોથી જમા થયેલી ગંદકી દૂર થઈ શકે.